門路訪問：心靈巡遊及元始能量學 - 繆樂Alice Amu

成日話人生如戲，當大幕拉開，台上嘅你又會點去演繹？心靈巡遊創辦人繆樂Alice Amu，曾經以為同朋友一齊去創業，就能脫離日日坐office、對住部腦嘅朝九晚六刻板生活。做禮品生意唔使任何本錢，只需要人力資源，賺錢睇嚟好容易，殊不知遭遇到沙士呢場劫數，生意一鋪清袋，蝕咗7位數字，Alice覺得一切都因為當年年少輕狂，面對呢場人生打擊，佢情緒變得抑鬱。能夠帶佢走出陰霾，原來係音樂。明明係太子女，為咗追求夢想，不但走去學唱歌，更入行做埋歌手，最初嘅演出舞台就係酒店同Live Band House！人哋話玩音樂賺唔到錢，佢就偏偏唔肯服輸，不斷擴闊自己嘅音樂領域，仲做埋歌唱老師，滿足到自己嘅音樂夢，卻賠上咗健康。當一個人有病，睇醫生係常識吧！但原來最終能夠治癒Alice嘅「藥」，係一種我哋成日都講嘅「能量」。

受訪者簡介： 繆樂Alice Amu，心靈巡遊及元始能量學創辦人 Alice自4歲開始熱愛唱歌及音樂，7歲開始立志成為唱作歌手，多次喺香港和澳洲參加歌唱比賽獲獎。13歲自編、導、演校內音樂劇，15歲赴澳洲留學，參演多個百老匯音樂劇及歌劇演出，又接受過古典聲樂訓練，亦曾經擔任過澳洲華語廣播電台節目主持、節目策劃、監製、廣播劇編導等工作。一個熱愛音樂藝術嘅人，畢業後不甘心每天喺公司坐定定做家族生意，趁機會同朋友一齊創業，但結果輸咗7位數字，更一度跌入抑鬱期。及後受到啟蒙老師林德寶及李樺笙影響，決定醉心鑽研流行聲樂、教學和音樂創作。2006年創辦眾元聲樂EcSinging EcSpeaking，屬於大自然能量和聲樂結合之訓練課程，能激發學生嘅歌唱和說話用聲潛能。2014年再次創業，創辦心靈巡遊Soul Parade，又於2015年開設AOM Energy元始能量學課程，提倡修心、修行、靜心及優化生命，教人如何擺脫煩惱、淨化身心。

門路訪問：https://www.munroads.com/p/1671/channel/entrepreneur/%E8%8B%A6%E6%A5%9A%E7%AD%89%E6%96%BC%E6%BF%80%E5%8B%B5+%E9%80%86%E5%A2%83%E9%87%8D%E7%94%9F%E5%85%A8%E5%9B%A0%E5%A0%85%E6%8C%81%E5%A4%A2%E6%83%B3

觀看 第二集

上集講到Alice由音樂界走到身心靈界嘅轉捩點，可能你會問：「Energy有冇咁神奇呀？」其實世事無奇不有，世界咁大、知識無垠，甚至有好多嘢都未必可以喺書本上學到，而係靠你去親身感受。Alice話佢當初學習Energy，冇諗過要教人、冇諗過再次創業，一切就好似「個天逼佢」。佢更加由一個人開始逐漸變成一個團隊，發現原來有好多人都尋找緊身心靈健康呢個「靈丹妙藥」。為咗可以令更多人認識到元始能量同學到呢個課題，佢同佢嘅團隊積極參加唔同嘅活動及分享會。喺呢5年間，又不斷擴大公司規模同業務支線。要喺呢個行業打響旗幟，Alice靠嘅係啲咩？個個老闆都想盤生意長做長有，但佢卻想到有朝一日唔再有心靈巡遊，倒自己米？真正原因係咩？